Khasi Hills Autonomous District Council (KHADC) election-na re·anggipa February 21 tariko susagrikaniko da·al chananio Voice of the People Party (VPP) da·o dipet ge 17 constituency rango cheangaha. Kobor ko man·soanigitade pu·ongiminrangko chana machotani ja·mano VPP dolrang chu·gimik ge 20 seat rangko man·a ka·dongsoaniko parakataha.
Ge 17 constituency rango cheanichi gitalgipa Executive Committee (EC) ko KHADC-o riknagita VPP dolrang chu·ongagitan seat rangko man·aha aro nanggipa tarisamsoanirangko dakangenga ine u·ina man·aha.
Da·o dipet VPP rangni chegipa constituency rangara Nongkrem, Laitumkhrah, Jaiaw, Mawkhar, Mawthadraishan, Nongstoin, Sohryngkham, Mawkynrew, Nongthymmai, Mawphlang Diengiei, Mawlai, Mylliem, Mawkyrwat, Umroi, Umsning, Mawhati aro Langkyrdem ong·a.
