Sorkarini kam donggipa aro Deficit ba Adhoc skulrango skigiparangni kamko ka·enggiparangko National Food Security Act, 2013 ni ning·o donggipa AAY aro PHH ni ration card rangko April jani 30 tarikni gisepo on·pilchina East Garo Hills ni Deputy Commissioner of Supply Vibhor Aggarwal ge·etangaha.
Indake kam donggiparangni ration card rangko on·pilanichi kangalgipa, chol ong·gijagipa nokdangrangna, hajira ka·e cha·giparangna aro be·en-nigita bilgrigipa manderangna NFSA ni ning·o on·gipa ration card rangko tikatna dakchakangskagen ine DC aganangaha.
Una agreba, je kam gnanggipa nokdangrangni ration card donggiparangni bimungkoba tarisamsoaniko dakan baksana somoi on·gimingita card rangko on·piljagenchimode niamo pangchake uamangni kosako ja·kuko de·anggen ineba janapangaha.
