April 24 tarik 2025-o Tura songjinmani Sacred Heart Shrine, Chandmary-o sianggipa Pope Francis-ko mande ra·aniko dakangaha.
Pope Francis-ko bon·kamgipa mande ra·aniko dakanio torom-ni dilgiparang aro dingtang dingtang Diocese-oni re·bae Holy Father ba rongtalgipa pagipako mande ra·aniko dakangaha.
Pope Francis-ko uni ka·sachakgipa gisikna, manderangna ka·saanina, kangal cholgrirangna ka·sae dakaniko aro Isol-ni a·bao an·tangko on·kange kamko ka·anganirangko pangnan gisik ra·anggen.
Catholic torom-rang sal 9-na kalimaniko a·song gimiko dakangenga aro Meghalaya a·doko-ba Pope Francis-ko mande ra·aniko mesokna gita salgittam-na kalimpaaniko dakangenga . Unbaksana da·al salo Catholic torom-ni gilja nokrang aro bida pakwatchakram-rangko chipe donataniko dakataha.April 26 tarik Sonibar salo St.Mary Major, Pauline Chapel Basilica-o Pope Francis-ni manggisiko gopaniko dakangskagen.
