Umiam chio sko grigipa manggisini balboe dongako mijal salni bako nikaha aro ua mandeni siani a∙selko ma∙sinagita man∙kujaenga ine Mawdun Lapngor pulisrang parakataha.
Sigipa mande bilsi 30 ba 40 jolni ong∙a aro 5.5 feet mangni gita changroa. Ia ong∙a a∙selni kosako Lumdiengjri pulis station-o mokordoma ka∙anikoba dakmanaha ine East Khasi Hills ni SP kobor ra∙timgiparangna parakataha.
Sigimin manggisini mahari madrang rangko u∙inagita Shillong Civil Hospital-o manggisirangko donchakram biapo donataha.
