Meghalaya a∙dokni Education Minister Rakkam A. Sangma, Education Department-ni Adviser HM Shangpliang aro Directorate of Educational Research (DERT) ni officer rang baksa, a∙dok gimikni skulrangona National Council of Educational Research and Training (NCERT) ni ki∙taprangko ra∙gatna Central Board of Secondary Education (CBSE) ni Chairperson baksa New Delhi-o gronge chanchirimaniko dakangaha.
CBSE-ni dilgiparang a∙dokni skigiparangna skie on∙aniko dakna uamangko Delhi-ona watate CBSE-ni gita gamchatbegipa skie on∙anirangko dakanggen. Skia man∙bagiminko a∙dokni Education department-na uamang skie on∙aniko dakskana gita nanggen ine Rakkam aganangaha.
Re∙baenggipa CUET ni porikkako Union Minister baksa chanchirime Shillong, Tura aro Jowai o CUET centre ko donagitaba tik ka∙angaha ine koborna parakataha.
