Batanggimin salo Pulis Gypsy gariko wa∙al so∙ani aro Pulis kam ka∙gipako dokani a∙selo da∙onaba tom∙tomkujaengani gimin, East Khasi Hills a∙jani District Magistrate R M Kurbah, wal 10 baji ni ja∙man Section 144 CrPC curfew ko ra∙gatataha.
Shillong songjinmao aro uni wilwilao dongenggiparangko, wal 10 bajini ja∙mano manderangko a∙palona ong∙katjachina aro dokanrangko kulijachina Section 144 CrPC-o pangchake EKH ni DC Kurbah aganangaha. Unbaksana pekgipa ringani cha∙anirangko jakkale niamgri dakanirangko, gam∙gipa doka-damanirangko ba ring∙anirangko skul, hospital aro olakkichakram biap sambajolrango watjachinaba beng∙ataha.
Ia Curfewko, manderangni kenanioniko naljokate tom∙tomaniko ra∙bapilna miksonge ra∙gatangha. Ia niam ko July 12 tarikoni a∙bachengate, gitalgipa niamko ra∙gataikujana kingking ong∙tanggen.
