A∙doko merongrangni damrang rang∙san tang∙doanina Niksamso Garo Community (NGCO) dol a∙dok sorkarini kosako sing∙doaniko dakangaha.
Merong aro me∙su samjakrangni dam tang∙doaniara a∙doko kangal cholgri manderangna aro salantio hajira ka∙e cha∙enggiparangna namen neng∙nikanirangko ra∙baenga. Merong rangko dam barie palna, sorkarini gita ge∙etanirang dongama, ma badingchiwale cha∙enggipa dokan dakgiparang aro dealer rangsa an∙tangtangna lapna chanchie damrangko barie palengama ine NGCO dol sing∙doanirangko dakangaha.
Damrangko barie palna sorkarini gita maming ge∙etanirang dongjagenchim ong∙ode, gipin a∙dokoniko ra∙baenggipa bosturangko ba merong, me∙su-samjakrangko niamgri damrangko bariate palna man∙ja ine jegale NGCO dol aganangaha.
