National People’s Youth Front (NPYF) Tura, Boldorenggre songo bol ge∙anirangko dakdilanina Garo Hills-ni MP Agatha Sangma kusi ong∙bee uamangni ia namgipa kamna mittelpilaniko on∙angskaaha.
“An∙chingni buring bolgrim rangko mikkangchina simsake rakkianian aro ripinganian an∙chingni dakna nangchongmotgipa kam ong∙a” ine ua Environmental Awareness ko dakdilani salo manderangna agane on∙angaha.
Bol-wa∙arangko ge∙anichi an∙chingni wilwilao donggipa chiring chibisikrangko tange rakkina gita man∙gen aro an∙chingni songsalnasan ong∙aigija a∙gilsak gimikna namgniko ra∙bagen ineba ua agandapangaha.
Ia programme-o NPYF ni State Working President, Dabo M. Marak aro NPYF ni gipin membolrang gisik nangbee bol ge∙anio bakko ra∙angaha.
