Indo-Bangla sima-ari jolrango manderangni re∙ruraaniko champengatna section 144CrPC ko ra∙gata

India-Bangladesh-ni sima-arini 100 metre ni ning∙ao ga∙akgipa jolrango attamni 6 bajioni pring 6 bajiona manderangni re∙ruraaniko champengatna July 6 tarikoni a∙bachengataha. Battanggimin salrango sima-ari jolrango manderangni re∙ruraanirangko nike South West Garo Hills a∙jani DC RP Marak, section 144 CrPC ni niam o pangchake ge∙etaniko on∙angaha.

Adita sima-ari jolrango niam gri kam ka∙anirangko kobor man∙soe naljokataniko ra∙bana ia ja∙ku deaniko dakna nangaha ine DC parakangaha. Indo-Bangla sima-ari jolrango bobil dolko chelchakgipa sipairangchi nirok sandianiko raken dakatgen ine DC agandapangaha.