Garo Hills-ni NGO dolrangni Tura-ko Winter Capital songna dabienggipani bidingo Chief Minister Conrad Sangma da∙al salni bako aganchakaniko on∙ataha. Sangma-ni aganani gitade ia Winter Capital-ko ru∙utbea somoirangonin dabianiko dakengachim aro iani bidingo a∙doko pilak gadangni gita tang∙doaniko nigrike kamko ka∙na nanganio pangchaka ine aganangaha. MDA sorkari dingtang dingtang kamrangko a∙doko suale on∙a jotton ka∙enga ine Sangma aganangaha.
Skanggipa changna Mini Secretariat rangko a∙dokni dingtang dingtang biaprango songe on∙anggen, jekai da∙o Tura aro Jowai-oba songe on∙aniko man∙gen ine Sangma parakangaha.
