South West Garo Hills a∙jani Ampatio, gitalgipa NGO, Civil Society A∙chik Welfare Organisation (CSAWO)-ko re∙anggipa July 8 tariko bikotaha. Ia NGO ko A∙chik jatni neng∙nikanirangna aro nangnikanirangna ku∙cholsan ku∙mong nangrime ku∙rang on∙a miksonge bikotangaha ine CSAWO ni President Tryans Ch. Marak u∙iataha.
NGO-ko re∙dilnagita President Tryans Ch. Marak, Vice President Baity A. Sangma, General Secretary Sengba R. Marak, Assistant General Secretary Donchang Ch. Sangma, Chief Organizing Secretary Dosam Sangma, Forestry Environment Secretary Cheang M. Marak aro sak 6 Executive member rangko seokangaha.
CSAWO-ni dilgiparang mikkangchi A∙chik jatni namgnina apsan ku∙mong nangrime kam rangko ka∙anggen ine parakataha.
