July jani 10 tariko ma∙mong sorkari baksa a∙dok aro New Development Bank (NDB) ku∙monggrike soi ka∙angaha jean Meghalaya Ecotourism Infrastructure Development Project (MEIDP) aro Externally Aided Project (EAP)-na tangka paisarangko sokatna gita tik ka∙aha. Chu∙gimik project-na gong $98.80 million (gong 731 crore) mang ong∙a, unoni $79.05 million-ko New Development Bank (NDB)-ni gita dakchakanggen. EAP ko Northeast a∙jarango kam ka∙na, ma∙mong sorkari chu∙gimik 90% dakchakaniko on∙anggen jeon 10% kosan a∙doktangoniko jakkalna nangskagen.
A∙dok sorkarini company, Meghalayan Age Limited (MAL) Planning Department ni dakchakanichi MEIDP ko re∙dilanggen jeon nambegipa rika cho∙anirangko a∙dokni tourism-na ra∙bae on∙an baksa gamchatbegipa kajina aro a∙dokni tang∙doanina dakchakbeani ong∙gen. Iarangko ra∙baanichi a∙doko dingtang dingtang kamrangko nakate cholrangko on∙anggen jekai sokachakani, songre songgabatanirang aro songdongkame bading chiwale cha∙giparangnaba dakchani ong∙gen.
