GHADC, KHADC aro JHADC ni CEM-rang a∙dokni Deputy CM baksa chanchirimaniko daka

Garo Hills Autonomous District Council (GHADC) ni Chief Executive Member (CEM) Albinush Marak, Khasi Hills Autonomous District Council (KHADC) ni CEM Pyniaid Singh Syiem aro Jaintia Hills Autonomous District Council (JHADC) ni CEM Thombor Shiwat sakgittam nangrime, a∙dokni Deputy Chief Minister Sniawbhalang Dhar ko gronge chanchirimaniko dakangaha.

Kobor ra∙timgiparangna parakatani gitade, GHADC, KHADC aro JHADC dolgittamni CEM nangrime, Deputy CM ko grongani miksonganiara a∙doko Village Level Development Plan (VLDP) aro 15th Commission ni niamrangko ja∙rike a∙jatangtango ra∙gatanian ong∙a ine u∙iataha. Jat tangni aro a∙jatangni namgnina, silroro-namroroanina kim∙kim ong∙e kam ka∙na re∙mikangna miksonge ia dolgittam Autonomous Council ni CEM nangrime chanchirimaniko dakna re∙chakataha ineba koborna parakataha.