Ru∙uta somoirangna dabibaenggipa Garo aro Khasi ku∙sikko Indian constitution-ni Eight Schedule-o napatatna gita a∙dok sorkari kamko ka∙angen ine Arts and Culture Minister Paul Lyngdoh parakataha. Lyngdoh-ni agananigitade Meghalaya Assembly-o ku∙monggrike a∙dokni ku∙sik minggniko Eight Schedule o napatchina dontonggija dabigenchimoba ma∙mong sorkari da∙onaba iani bidingo am∙sandianirangko dakuenga ine ua aganangaha.
Garo aro Khasi ku∙sikko janapatani bidingo uamang Delhi-ona re∙ange daito-o ga∙akgipa official-rang baksana Prime Minister koba grongna tik ka∙aha ine Lyngdoh parakataha. Ia chanchianiko Ministry of Home Affairs (MHA) ni gita dakangenga aro a∙songni Parliament-onaba sokangaha, uandake iano pangchake uamangni Delhi-ona re∙anganio chanchirimaniko dakangen ineba Lyngdoh u∙iataha.
