Sanna bannanio jakkalna ra∙bagipa nosto ong∙gimin samrangko galanio name dake nirokchina gita committee-ko songaha ine Health Minister Ampereen Lyngdoh parakataha.
Batanggimin salrango sanna-bannanio jakkalna ra·bae on·gimin samrangko jakkalgija donchipe nosto ong·giminrangko jabol galchakram biaprango galaniko sorkari am∙sandianiko dakna a∙bachengataha.
Iani bidingo name dake nirokchina gita sorkari committee-ko songmanaha ine Health Minister Ampareen Lyngdoh koborna parakataha. Re·anggimin salrango committee-rang aro samrangko nama-namgijaniko nirokgiparang dongjani a·selo niam gita ge·etgimin, ja∙ku de·anirangko committee ja∙rikchina aro nangchomotgipa kamrangkoba apsan dake nirokangchina Lyngdoh aganangaha.
