North Eastern Council Secretariat, National Institute for Micro, Small and Medium Enterprises (NI-MSME), Hyderabad, sorkarini dolrang baksa Ministry of Micro, Small and Medium Enterprises nangrime District Industries (DI) aro District Industries Centre (DIC) rangko daka rikani aro chanchie skie ra∙aninirangko namdapatna salsani workshop-ko budbar salo Multi Facility Centre Ampati-o ong∙atangaha.
Ia workshop-ko ong∙atani miksonganiara gitalgipa DI & DIC-rangni Northeast a∙dokrangona dingtang dingtang ma∙mong sorkarini scheme-rangko name dake jakkale mikkangchi janggitanganiko namdapatna kamko ka∙ani ong∙a. NEC aro NI-MSME Hyderabad, am∙sandianiko dake neng∙nikanirangko ma∙sie aro cholrangko am∙e Northeast ni a∙dokrangni bading chiwalanirangko tang∙doatna, kamrangko nakatatna aro kajina man∙dapani cholrangko ra∙bana kamko ka∙ani ong∙a.
Ia workshop-ko ong∙atanichi nambata bewalo Northeast-ni damchet a∙dokrango DI aro DIC rangnigita karkanarangko tang∙doatna chanchie dakanian ong∙a. Minggipinara manderangna kamrangko ra∙bae on∙a, bading chiwalaniko pilak a∙jarango namdapatna aro kam grie dongenganiko naljokatna dakaniba ong∙a.
Ia tom∙anio DCIC-ni official-rang aro karkanarani a∙bao tang∙doanina kam ka∙enggipa manderang bakko ra∙angaha. Unbaksana entrepreneur rang, chatro chatrirang, skigiparang aro bank-o kam ka∙giparangba dongpae bakko ra∙angaha.
