Chief Minister Conrad Sangma-ni aganani gitade railway projectko maming neng∙nikani ba jegalani donggijagipa a∙dokni gipin biaprangona ra∙angskana man∙gen ine parakangaha. Khasi-Jaintia Hills ona ra∙baaniko manderangni jegalaniko dakengon, sorkari maming saloba manderangni kosako re∙jawa aro a∙jani manderang railway ra∙baaniko namnikjagenchim ong∙ode uko drae tarijawa ine CM Conrad K Sangma agananga.
Ma∙mong sorkarini railway projectko a∙bachengnagita tangka paisarangko chamataha ine Sangma u∙iataha. Ia chamatgimin tangka paisarangko name jakkalna man∙a gita Khasi-Jaintia a∙jani manderang namnikjagenchimode gipin biapona jeon manderangni jegalani dongja unona ra∙angskagen ine Sangma parakata.
