A∙dokni Health aro Family Welfare ni Secretary Ram Kumar, Health Service Director Dr. H. Lyndem aro gipin Joint Director-rang baksa Garo hills-ona re∙bae WGH Tura Civil Hospitalko nirokanga. Ia somoini bako uamang pilak district official-rang aro hospital-ni Medical Superintendent-rang baksa sanna bannaniko namdapatna aro namgipa cholrangko ra∙bana golporimangaha.
Unbaksana uamang Tura-ni District Maternal & Child Health Hospital o pilak sanna bannani cholrangko nipilna gita tom∙bimonganikoba dakangjolaha. Ia tom∙anio uamang manderangna sanna bannaniko nambate sokatna aro mikkangchina namgipa cholrangko sandie kam ka∙na chanchirimangaha.
