A∙dokni Chief Minister Conrad K Sangma Garo Hills o okgimu chake roster system aro winter capital na dabienggipa dolrangko July ni 24 tariko Tura Circuit House ni Conference hall o salni 1:30 somoi mangoni grongna tik ka∙angaha ine WGH a∙jani DC Jagdish Chelani u∙iataha. Ia gronganio Sangma Winter Capital aro roster system-ko name ra∙gatchina dabienggipa NGO rang aro bang∙a bakrimpaenggipa dolrang baksa agangrikaniko dakanggen.
Ia tom∙anio je NGO rang aro dolrang bakko ra∙na gita sikengachim uamangko an∙tangtangni nanggipa lekka pancharang baksa dorgastorangko galchina DC u∙iatangaha. Dorgastoko galaniko July ni 22 tarikni attam 8 bajina skang DC office ona sokatchina gita Jagdish Chelani u∙iataha.
