NEHU-ni Academic Council NEP 2020-ko ra∙gatani bidingo tik ka∙na bil amja

NEHU ni Professor rang aro NEP 2020 ko ra∙gatna seokgimin Committee, NEHU ni Vice Chancellor na NEP-ko ra∙gataniko ja∙ku de∙na Executive Council bil on∙manaha ine Prof Ghansyam Bez aganangaha. NEHU ni Academic Council, NEP 2020 ko ra∙gatani bidingo tik ka∙na bil amja ine ua janapangaha.

Academic Council-o nanganirang chu∙ongagita dongjae a∙dokni sorkari aro bakrimpagipa collegerang baksa NEP ni bidingo chanchirimna chol ong∙ja ine ua agananio parakangaha. Uamang Principal Council aro sorkari baksa changni chang agan-golpogrike agan-ku∙pattianirango pangchakesa NEP ni gimin ja∙kuko de∙aha. Gipin University rangni ge 16 honours paper course-ko a∙bachengataniko janape a∙dokni University rango ge 8 honours paper course-ko da∙onaba ja∙rikanichi chatro chatrirang chu∙ongagita cholko man∙jaenga ine ua agandapangaha.