Sorkarini ning∙o kam ka∙enggipa manderangna tangka paisagri gamna man∙gipa card ko jakkale hospital-rango sanna bannaniko dakna man∙a gita a∙dok sorkari, memorandum-ko cabinet meeting-o chanchirimna gita tarienga ine Health Minister Ampareen Lyngdoh parakataha.
Ia scheme salgro-salaram a∙doko songdongenggipa a∙dokrangna ong∙gen. Ma∙mong sorkarini ia scheme ni bidingo ru∙uta somoirangna nipiltaianirang dongja indiba Meghalaya sorkari, gipin North-East ni a∙dokrang baksa bakrime ministry-ona ra∙bae Central Government Health Scheme (CGHS) ko gital dake nipiltaichina didianiko dakenga ine Lyngdoh aganangaha.
Ma∙mong sorkario kam ka∙gipa manderang tangka paisagri sanna bannaniko dakna man∙gipa card-ko chamanaha indiba Meghalaya a∙dokosa ra∙gatkujaenga ine Lyngdoh agandapangaha.
