July 31 tarik Sombar salni bako West Garo Hills a∙jani Pedaldoba Kurung songo burungni mongma chadrapani a∙sel bilsi 59 ong∙gipa Millendro Momin janggiko gimaatna gita nangaha.
A∙sel ong∙aniko chagronggipa mande saksa game cha∙gipa ong∙a. Millendro uni nokni mande sakgni baksa walni sa bajimango an∙tangni a∙palko niroke dongengmiting somoio, burungoni mongma jaksa re∙baako niksoe chrik a∙boke a∙rikatna jotton ka∙aha. Uamangni chirk a∙bokanina mongmarang ka∙o nange uamangko chadrappilskaaha. Ia chadrapanio Millendroko srape ga∙romrome so∙otaha.
Ia a∙sel ong∙gipa biap Assam ni sima ari jolo ong∙a jeon mongmarang cha∙anirangko am∙na re∙baronga ine parakataha.
