Williamnagar a∙jao saksa bilsi 27 ong∙gipa Macayver R. Marak-ko pekatgipa bosturang baksa Anti-Narcotic dolrang sandianiko dake July 31 tariko rim∙na man∙aha. Ia mandeni kosako pekgipa bosturangko badingenga ine koborrangko man∙e EGH pulis dolrang Williamnagar bajar joloniko am∙sandiako dake adita bosturang baksa uko rim∙aha. Rim∙a man∙gipa mandeko Williamnagar songjinmanin ong∙a ine pulisrang parakataha.
Apsandake pekatgipa bosturangko bading chiwalgipa manderangko u∙igenchimode sepangbatgipa thanaona janapepachina pulisrang didianikoba dakangaha. U∙iattimgipa manderangni bimingrangko parakatgija donan baksana boksis rangko on∙anikoba dakangjolgen ine EGH a∙jani pulis dolrang parakataha.
