August jani 1 tariko Railway Protection Force (RPF)-ni constable saksa Jaipur-Mumbai Express (12956) Vaitarna aro Mira Road station ni gisepgriko rel gario songregipa mande sak briko slaichi goe so∙otaha. Sianggipa mande sakbrioni sakgittamde rel gario songreanggiparang aro saksade RPF Assistant Sub-Inspector (ASI) Tika Ram ong∙a ine koborna u∙iataha. Uamangni manggisiko Borivali station-o rel garioniko ra∙ongkate Kandivali-ni Babasaheb Ambedkar Hospitalona ra∙angaha.
Constable Chetan Kumar mande sakbriko slaichi goe so∙otani ja∙mano Dahisar station sepango ong∙onrike katna jotton ka∙ahachim indiba uko silchidare baksa Mira Road-o Government Railway Police (GRP) rim∙nagita man∙aha. Pulisrangni aganani gitade Kumar batanggimin somoirango neng∙nikanirangko man∙e neng∙taknagita bi∙aniko dakani ja∙mano an∙tangan kamko ka∙angkuna ku∙chakangpilaha. Pulisrang ia mamlani bidingo am∙sandianiko dakenga ine Divisional Railway Manager (DRM) Neeraj Verma aganangaha.
Sianggipa ASI Tika Ram-ni nokdangna Western Railways tangka gong lakh 25 ko ex-gratia-ni gita on∙pilskaaniko dakangskaaha
