East Garo Hills a∙jani Mandalgipe songo, Tengsrang A Sangma ni kosako Chiading Police station-o badi ka∙doaniko dakangaha. Koborko man∙soanigitade Peballine Sangma ni segipa Sontush N Sangmako bilongbee doka satani a∙selo janggi gimaataona sokataha. Dosiko dakgipa mande Chiading Police station ni ning∙o ga∙akgipa Dilma Ampanggre oni ong∙a ine u∙iataha aro uko pulis dolrang rim∙enba mokordoma ka∙e pattokona donataha ine parakataha.
Ia obosta August ni 4 tarik Sukrobar walo ong∙aha ine koborna parakataha. Obosta ong∙ani bakan doka man∙gipa mandeko sanna bannaniko dakna Williamnagar Civil Hospital ona ra∙angahachim ine u∙iataha. Nambata sanna bannaniko dakna gita uko Tura Holy Cross Hospital ona watatskagenchimoba ua biljimbee mata bu∙anirangko man∙ani a∙selo salgipinon janggi galaha ine u∙inagita man∙soaha.
