World Indigenous People’s Day-ko Shillong-ni NEHU campus Conventional hall-o Northeast Indigenous People’s Forum tom∙bimonge maniangaha. Ia tom∙bimonganio Chief Minister Conrad Sangma mongsonggipa sokgipa ong∙e bakko ra∙angaha.
Ia tom∙anio Northeast-ni manderangko aro chadamberangko ra∙donagita changa sapaniko, u∙ia masianiko skie ra∙china jedakode a∙songni aro gipin biaprangni manderang baksa susaaniko dake chu∙soknagita man∙gen ine pagipa P A. Sangma sagini didianiko janapa gnang Chief Minister aganangaha. Northeast-ni manderangko ra∙dona, nanganirangko chu∙sokatna aro neng∙nikanirangko naljokatna mangsonge Sangma politics-o bakko ra∙aha ine ua aganaha. Unbaksana pagipa sagini namgipa miksongani aro kamrangko ja∙rike Northeast ni manderangni namgnina aro nitobegipa daka rikanirangko mikkangchiba ku∙cholsan kam ka∙e ripingangkuna ine Sangma didiangaha.
