West Garo Hills a·jani Dadenggre block ning∙o donggipa Saldolpara songo Bank for Agriculture and Rural Development (NABARD) aro Gramseva Project (SBIF) dakchakanichi Health camp-ko BAKDIL ong·atangaha.
Ia campo District TB officer Dr. Litha Sangma, Asst. TB officer Dr. Kona Sangma, Dadenggre CHC-ni Dr. A. Jihan aro Malaria Inspector M Sangma, manderangna TB aro Malaria sabisirangni batrikrikaniko champengani cholrangni gimin agantalate on∙angaha. Unbaksana an·o donggipa ma∙giparangko nirok simsakna, bi∙sa an∙pakani somoio hospitalona re∙bana nangchongmotani bidingo aro atchidaldal bi∙sako simsakani giminba agane on∙angaha.
Ia tom∙anio BAKDIL ni Director Fr. Cyril, songni Nokma, Dadenggre block ni Aadhaar o kam ka·eggiparang aro sak 60 mangna batpile songni manderang bakko ra∙angaha.
