Azadi ka Amrit Mahotsav aro India a∙songni jakgitel ong∙aniko manina tarisamsoanio South Garo Hills a∙jani Baghmara jillao adita biaprangko rongtal an∙talaniko dakangaha.
Ia rongtal an∙talaniko dingtang dingtang department rang jekai Water Resources, District Commerce & Industries Centre (DCIC) aro DIET college bakko ra∙e dakmesokangaha. Unbaksana buring bolgrimrangko ripingnagita aro chiring chibisik rangko tang∙e donagita Baghmara C&RD Block ni Dabit Ampangdam VEC o bol wa∙arangko ge∙anikoba dakangjolaha.
Ia nambegipa dakmesokanio jolni maapaarang aro skulni chatro chatrirang dongpae bak ra∙anganiko nikangna man∙aha. Iako dakanichi uamang jakgitelani salna tarisamsoasan ong∙aigija songjinmani manderangnaba dingtangmancha rongtal an∙talani gamchataniko aro bol wa∙ako ripingna nangani bidingo mikrakatanikoba on∙anngaha.
