SWGH a∙jani Health Society aro National Tuberculosis Elimination Program (NTEP) bakrime be∙enko an∙senge baljoke rakkina nanggiparangni bidingo Mahendraganj Community Health Centre (CHC) o program-ko ong∙atangaha. Mahendraganj ni MLA Sanjay A. Sangma program-o mongsonggipa ong∙e sokbae TB sagipa manderangna be∙enko bilakatgipa cha∙anirangko suale on∙aniko dakangaha.
CHC o nanggipa bosturangko jekai Ultrasound Machine, CCTV aro amplifier rangkoba bosaie on∙aniko dakangaha jean a∙jao sanna bannani a∙bao gamchatgipa re∙mikkanganiba ong∙enga.
TB sabisiko dakgrikna kam ka∙enggipa medical department-ni manderangko uamangni dondikgija kam ka∙anina Sangma mittelpilanikoba dakangaha. Sangma jolni hospital o nanganirangko ra∙bana aro ambulance na dabianiko Christmas na skang chu∙sokatna jotton ka∙gen ine ku∙wate ra∙anganikoba dakangaha.
Pilak jolni ma∙apaarang aro manderangko TB sabisiko dakgrikna ku∙cholsan ong∙e bakrimaniko on∙a Sangma didiangaha. Program-ni somoio sanna bannanio kam ka∙enggiparang X-ray machine ni nanganiko aro Pharmacy na dakchakaniko ra∙bana MLA-o mol∙molanikoba dakangaha.
