North Garo Hills a∙jani Resubelpara Khaldang A∙gitchak songo bijoli transformer nosto ong∙ani a∙sel songni manderang neng∙nikaniko man∙enga ine kobor ra∙timgiparangna u∙iataha.
Songni manderangni u∙iatani gitade, re∙anggipa August 13 tarik Robibar attamo bijoli transformer kamchipe nosto ong∙aniko man∙aha. Bijoli transformer ni nosto ong∙aniko u∙iatgenchimoba MeECL department-ni sal gittam ong∙pilahaoba tarie on∙kujaenga ine u∙iataha. Bijoli dongjani a∙selo mongsongbate poraienggipa chatro chatrirangna namen neng∙nikaniko man∙enga. Una agreba salanti online gita mobile aro computer-ni kamko ka∙gipa manderang neng∙nikaniko man∙enga ineba songni manderang u∙iataha.
Iani bidingo songni manderang a∙jani MLA, aro District Administration na ba koborko on∙ate ta∙rakale nirokatpachina mol∙molaniko dakangaha ineba parakataha. Unbaksana MeECL office-ni bil gnanggipa manderangko mol∙mole, Mendipathar MeECL skotong office-na u∙iatpachina gitaba mol∙molaniko dakataha ine uamang u∙iataha.
