Gambegre ni MLA Saleng Sangma Job Reservation Quota ko Garo aro Khasi-Jaintia baksa chaprimpana nanga ine agangipa kattako A·chik Conscious Holistically Integrated Krima (ACHIK) jegalatani dakaha.
ACHIK ni nikanio Saleng Sangma jatni mipalko pale cha·enga ine matnangenba A·chik jat Khasi-Jaintia baksa susana gita nangahaode bil amjawa ine talatanikoba on·ataha. Uamangni agantalatani gitade A·chikrangni 40% mipalko gipin jatrangni bak man·paaniko nike High Court ia mipalko A·chikrangna on·pilna gita Roster System ko on·ataha jedakode 40% mangmangkode A·chikrang man·pilna man·gen ine agantalataniko dakaha.
Indake ong·engon 40% ko A·chikrangna on·chongmotna nanga ine aganenba uamang da·alo A·chikrang bak 40% oni bak 27% kosan man·enga ine u·iatenba bilsi 50 na kingking sara etrokgipa aro chi kotimgipa mangnaba A·chikrang sokdopaja ine agantalanikoba on·angaha. Voice of People’s Party (VPP) Reservation Policy ni bidingo nipiltaina dabiengon uamang A·chikrangni ku·cholsan ong·aniko nikna man·e dingtang mancha VPP ko mittelplataha. VPP ni indake dakanganiko nikangkuaiode bang·a jatni gisepo sa·dikaniko a·dokni manderangna rabaasan ong·aigija High Court ni nirikie darang reservation ba 50% na agre batna man·gijaniko rama mesokatasan ong·aigen ine uamang agandapaha.
