South West Garo Hills a∙jao mijal salni bako chang 77 gipa India a∙songni jakgitel ong∙aniko manianio Power Minister A.T. Mondal mongsonggipa sokgipa ong∙e bako ra∙angan baksana a∙jani ASHA-rangna Best ASHA Award -ko on∙angaha. Ian ASHA rangni dondikgija kam ka∙anirangna uamangko mande ra∙pilskaani dal∙bea boksis ko on∙ani ong∙a.
Sanna bannani a∙bao dangdike on∙giparangoni ASHA dolrang gamchatbegipa ong∙a. Uamang songadam nokadamrangona sanna bannaniko nambate dakna sorkarini kamrangko manderangona sokatna dakchakgiparang ong∙a. ASHA rang dingtang mancha an∙o donggipa ma∙giparangko naljoke an∙pakanio dakchakna, bilsokgija bi∙sarangko songantiona re∙e sanna bannaniko on∙a aro bang∙a dakna nanggnirangko manderangna mikrakataniko on∙a jako ra∙e kam ka∙giprang ong∙a.
