Assam aro Meghalaya a∙dokni sima arini bidingo ru∙uta somoina nirokgija galchipgipako chu∙sokatna kamrangko sorkari taraken ka∙angen ine Chief Minister Conrad Sangma August jani 16 tariko aganangaha. Sima arini bidingo neng∙nikaniko man∙enggipa songrang da∙o dam 6 biaprang dongkuenga jekon re∙baenggipa sal somoirango songdongenggipa manderangni neng∙nikanirangko naljokatna gita sorkari ja∙kuko de∙anggen ine Sangma aganangaha. Re∙anggimin bilsi 45 ni gisepo manderangni nangnikanirangko simsakgija donaha ine Assamni skotong Minister baksa golpomiting somoio janape Sangma aganangaha.
Ian skanggipa sorkarini manderangna simsake raka ja∙kuko de∙e sima arini bidingo kamko ka∙ani ong∙a aro sorkari ia dam 6 biaprangni neng∙nikanirangko chel∙atna MoU ko Assam aro Meghalaya a∙dokni gisepo soi ka∙grikanikoba dakangaha ine Sangma aganangaha. Ia kamrangko ka∙anio bang∙a neng∙nikanirangko chagronggenchimoba sorkari manderangni namgnina rake jotton ka∙angkugen ine Sangma ku∙watangaha. ia cholko ra∙e songdongenggipa manderang baksa agan golpogrikanirangko dake nangnikanirangko u∙ie ra∙e uamangko meli nangrimgrikatna gita kamrangko ka∙enga ine Sangma parakataha.
