Baghmara a∙jani ni Gasuapara-o ANTF dolrang nok ge∙saona napdraange sak 3 manderangko rim∙aha aro uamangoniko te 256 Phensedly sam botdolrangkoba man∙aha ine kobor on∙timgiparang parakataha. Botdol te prako 100 ml Phensedly sam dongachim aro chu∙gimik 25.6 kg ko man∙aha ine South Garo Hills District ni Pulisrang u∙iataha.
A∙songni Health Ministry, Phensedly gusu sam ko India a∙songo adita bilsina skangan jakkalaniko dontongatahachim aro iako jakkalaniara niamni a∙palo ong∙achim.
