Voice of th People Party (VPP) dolni General Secretary Ricky AJ Syngkon, Reservation policy ko nipiltaina expert committee songaniko ta∙rake dakchina Chief Minister Conrad Sangma ko didiangaha.
Syngkon ni aganani gitade batanggimin July 13 o tom∙e chamchirimanio, Job Reservation Policy ko nipiltaina expert committee ko sandianio matchotnasiengaha aro antigni ba anti gitttamni gisepon u∙iatgen ine a∙dok sorkari aganangaha. Uamangni indake ku∙watani jasa mang ong∙pilahaoba iani bidingo a∙dok sorkari maming u∙iatanirang dongkujaenga ine Syngkon aganangaha.
