Geological Survey of India, Meghalaya a∙doko Garo Hills-oniko gamchatbegipa lithium-ko bikotna cholrangko sandienga ine official-rang parakataha. 2023-2024 bilsini Geological Survey of India-ni am∙sandie nie parakatani gitade Meghalaya a∙dokni South Garo Hills aro East Garo Hills a∙jaoniko lithium ko bikotna am∙sandianirangko dakenga ine u∙iataha. Una agreba Indiani gipin a∙dokrangoniko jekai Jammu & Kashmir, Chhattisgarh aro gipin biaprangniko am∙sandianiko dakanggen ine GSI koborna parakataha.
Lithium mingsa battery-rango jakkalgipa a∙ningoniko man∙gipa bostu ong∙a. Lithium ko bikotna miksonganiara India a∙songo da∙ororo batterychi chalaigipa garirangko jakkalaniko bariatna mangsongani donge re∙mikkangani ong∙a. India a∙songo dao dipet Lithium-ko Jammu & Khasmir ni a∙ja damsa Reasi-osan nikna gita man∙engkua aro ia biapo 5.9 million tone rangko mikkangchina jakkalna donenga. India-ni Geological Survey-rang a∙ningo nikronggijagipa gamrangko Meghalaya, Chhattisgarh, Maharashtra, Bihar, Jharkhand, Odisha,West Bengal, Arunachal Pradesh, Assam, Uttar Pradesh, Andra Pradesh, Kerala, Telangana, Tamil Nadu, Karnataka, Gujarat aro Rajasthan a∙dokrangoniko am∙sandianirangko dakenga ine parakataha.
