Robibar sal o, Warachakenggipa TMC dol ni Vice President George B Lyngdoh, NPP chi dilenggipa MDA 2.0 sorkariko, re∙anggipa 2021 bilsio UDP-ni Kyrmen Shylla Social Welfare-ni Minister ong∙mitingo niam gri merongrang ko palanio sorkarini maming jak dongja ine da∙o ong∙enggipa Social Welfare Minister Paul Lyngdoh ni agananiko jegalataha.
Gital sorkariko rikani sal ritchasa mang ong∙pile, chu∙onge bijolirangko wate on∙gijani, gital kamrangko on∙gijani, chirangko chu∙onge on∙jaenga aro niam gri kam ka∙anirang dongja ine agananiara bebe ra∙na amgijani ong∙a aro re∙anggipa bilsio merongrangko niam gri palanio sorkari maming jak dongja ine agananiara, a∙doko songdongengipa manderangko gisikko jajaatna agangipa kattasan ong∙aia aro iarangan sorkarini salantio dakenggipa kamrang ong∙a ine sakantian u∙ia ineba agandapangaha.