Garo Hills Environment Protection Society (GHEPS), Krima-VII aro adita sorkarini departmentrang baksa nangrime Environment Sustainability Awareness Programko Gasuapara Multi-Facility Centre-o mijal salni bako ong∙atangaha. Ia program-o GHEPS-ni president Dr. Meril N Sangma, Range Forest Officer Chonseng M. Marak, Chambil Badima Baptist Mondoli-ni Pamong Banchiller R. Marak, Gasuapara PS ni Officer, Tura Hawakhana Baptist Mondolini Rev. Frithing D. Sangma aro GHEPS ni working President Chavan N. Sangma bak ra∙angaha.
Ia prgrogam-ko dingtang mancha manderangni songsalo janggi tanganio matburing aro sam bolrangko ripingani nangani gamchataniko aro dingtang dingtang niamrangni bidingo skie on∙anirangko dakangaha.
A∙jao sam bolrang aro matburingrang ni gamchataniko ripingangna GHEPS baksa dingtang dingtang department ni gita rakbee kam ka∙aniko dakangenga. GHEPS ni President bool wa∙arangko ripingna dongimin ku∙mitchetani kattarangkoba mingdile on∙angaha.
