Buring bolgrimko ripingna WGH a∙jani DPMU rang Dollonggre songona re∙ange VNRMC ko grongea

Buring bolgrimrangko simsake rakkina aro manderang baksa bakrimaniko bariatna WGH a∙jani District Project Management Unit (DPMU) Rongram blockni ning∙o donggipa Dollonggre songona re∙ange nirok sandianiko dakangaha. Ua somoio uamang Village Natural Resource Management Committee (VNRMC) baksa golporime neng∙nikani ja∙pangrangko sulsul che∙em che∙em chanchirime u∙ie ra∙angaha. Ua somoio buring bolgrimko ripingna bol wa∙a ge∙chakram biapko a∙bachengatna neng∙nikani bidingo aro Gabion Check Dam na signboard songna matchotgijaniko sing∙e ra∙angaha.

Ia tom∙bimonge golporimanio chu∙sokatna nanggipa pilak kamrangko September 15 na skang matchotatna VNRMC rang ku∙monganiko dakangaha. DPMU ni re∙ange nirokegipa wilwila biapo dam baksa chi chimongchakram aro bol wa∙arangko ge∙chakram biap donga jeon buring bolgrimrangko ripingna miksonganio namgipa bewalko mesokenga ine uamang parakangaha.