South Garo Hills a∙jani Bibragre songo Krishi Vigyan Kendra (KVK) nigita da∙al salni bako Swachhta Abhiyan Campaign-ko ong∙atangaha.
Ia campaign-nigita changsana jakkalgipa plastic-rangko dontongatna mikrakataniko on∙angan baksa jabolrangko name galani bidingoba agantalate on∙angaha. Unbaksana bakko ra∙gipa songni manderangna a∙arangko a∙sal gnangatgipa aro ge∙a gamanio jakkalna nanggipa bosturangko su∙ale on∙angaha.
Ia somoio uamang rongtalatanikosan dakaigija bol wa∙arangkoba ge∙aniko dakjolangaha. Krishi Vigyan Kendra (KVK) a∙dokni dingtang dingtang a∙jao ge∙e game cha∙giparangni changa sapnirangko namdaptna aro technology rangko jakale ge∙a gamanirangko namdapatna gita dakchakanirangko dakenga.
