Mijal salni bako TMC dolni ICDS department-o re∙anggipa 2021 bilsio merong palaniko dakaha ine matnanganiko Social Welfare Minister Paul Lyngdoh jegalatan baksa, iani bidingo independent committee report ko rongtale tarie on∙manaha ine parakataha.
Ia report ko u∙iatmangenchimoba TMC dolni a∙dok sorkariko matnanganiara dakmesokanisa ong∙aia ine uamangni sing∙doanina aganchakataha aro ia report ko poraie nina gita uamangni daiton ong∙a ineba ua aganangaha.
TMC dolko ia report ni gimin name dake poraichinaba didiangaha aro niam gri jakkalsretaniko nikgenchimode commission na sakki on∙e u∙iatchina ineba Lyngdoh kobor on∙timgiparangna parakataha.
