West Garo Hills a∙jao sanna bannaniko dakenggipa ANM nurse rangna mijal salni bako Social Awareness and Actions to Nuetralize Pnuemonia Successfully (SAANS) ni programko ong∙ate dakna nanggnirangni bidingo skie on∙angaha. Ia program-ona re∙bagipa nurse rangna District MCH Officer Dr. Ivonne M. Sangma Pnuemonia sabisini bidingo Tura Working Women’s Hostel o skie on∙aniko dakangaha.
Pnuemonia man∙ani adita chinrangko mesokgipa jekai gusu, soldi, ko∙tong sa∙dikani, fever, kramchi ong∙ani, chigalani, ok re∙ani, rang∙sisokgijani aro uandake bang∙a ma∙sina nanggipa chinrangko talate on∙angaha. Unbaksana ia sabisiko man∙gipa bakgitchak ba chadamberangko nirok simsakna dingtang dingtang sanna bannani cholrangko aro biji su∙ani bidingoba skie on∙angaha.
