Ronnie V Lyngdoh (LO), uni gitalgipa office o asonge kamrangko ka∙na a∙bachenga

Warachakgipa dolni dilgipa ba Leader of Opposition (LO), Ronnie V Lyngdoh June jani 12 tariko, Meghalaya Legislative Assembly-ni (Administrative Block) Office-o asonge kamko ka∙na abachengaha. TMC aro Congress-o sakbongaprak MLA dongenchimoba Ronnie V Lyngdoh-ko warachakgipa dolni dilgipana seokaha aro Commissioner & Secretary Meghalaya Legislative Assembly Dr. Andrew Simsons ni jakchi mande ra∙aniko dakangaha.