Hero Sub Junior Boys National Football Championship (NFC) Tournament ko bilsi chi∙bri ni ning∙o ong∙gipa me∙a bi∙sarangna West Bengal a∙jao ong∙atna tik ka∙angaha. Uamangni gisiko nangani aro bimchipanichi ia kal∙susaanio bakko ra∙na gita seokako man∙aha.
Iano Meghalaya a∙dokni palo kal∙na gita sak kolgrik seokako man∙gipa chadamberangoni A∙chik me∙a bi∙sa saksa Akhimra G. Momin-ba seokako man∙paaha. Uamangni ia kal∙susaanina re∙mikkanganio seokako man∙gipa dolni chu∙sokanina Meghalaya Football Association ni gita namgipa skanikoba on∙angaha.
