Jal Shakti Abhiyan-ni gita Mission plantation-ko Mangsang Bamil songo oprake on∙a

Dambo Rongjeng C&RD Blockni ning∙ao Mangsang Bamil songo June jani 12 tariko, Mission Plantation-ko Jal Shakti Abhyian-ni ning∙ao Rongjeng ni MLA, Jim M Sangma oprake on∙angaha. Aro ia oprake on∙anio Darugre-ni MDC Henen R. Sangma, EGH a∙jani DC Vibhor Agarwal, BDO Ruby B R. Sangma, DPM MGNREGA Silnang Peter aro gipin officer-rangba bakko ra∙angpaaha.

Ia project-ko ra∙baani miksonganiara a∙jao donggipa songantian chiring chibisik-ko tange rakkina adita a∙arangko jakale bilsiprakon bol wa∙arangko ge∙dape rakkichina aro ia kamrangko Soil & Water Conservation Department-ni gitaba nirokaniko dakdapanggen ine EGH a∙jani DC u∙iataniko on∙angaha.