Bilsi 19 ni ning∙o ong∙enggipa me∙chik dolrangna Inter District Cricket Tournament 2023-24 ko Meghalaya Cricket Association (MCA) ong∙atna tik ka∙angaha. Ia kal∙susaaniko September 6 oni 12 tarikona zone I aro zone II ni ning∙o dingtang dingtang seokgimin a∙jani me∙chik dolrang kal∙susaaniko dakanggen. Zone I o ga∙akgipa a∙jarang South West Khasi Hills, Ribhoi, East Khasi Hills, West Khasi Hills, West Jaintia Hills aro SCA ong∙a. Zone II o East Garo Hills, North Garo Hills aro Tura District Cricket Association (TDCA) susaaniko dakanggen.
Zone I ni kal∙susaaniko Umbuda Ribhoi District o sokachakaniko dakangenga aro Zone II ni susaaniko North Garo Hills Salpara kal∙chakram o kal∙angskagen. Ia kal∙susaanio zone I aro zone II ni chegipa dol brirang September 14 aro 15 tariko semi-final-ko kal∙anggen. Uano chegipa dolgnirang September 16 tariko bon∙kamgipa kal∙susaaniko dakangskagen ine MCA ni chairman chittio u∙iataniko dakangaha
