Job Reservation Policy 1972-ko nipiltaianiko dakna sorkarini gita Expert Committee ko songanio Garo Khasi-Jaintia jat ge∙gittamonikoba seokaniko dakchina songsalna dangdike on∙gipa A∙chikrangoni saksa Cherian G Momin a∙dokni Chief Minister Conrad K Sangma na chitti see mol∙molaniko dakangaha.
Meghalaya a∙doko donggipa jat ge∙gittam-oniko expert committee na seokanichi jat gittamni dingtang dingtang neng∙nikanirangko, nanganirangko aro miksonganirangko ra∙bae chanchirimaniko dakangna aro mikkang niteagri job reservation ko nipiltaianiko dakanio policy-ko tariangna gita man∙gen ine parakangaha. Unbaksana songdongenggipa jat-oniko seokaniara an∙tangtangni chagrongenggipa neng∙nikanirangkoba chanchirimanio janapna gita cholba ong∙jolgen ine Cherian Momin chittio janapataha.
