Rongjengni chadambe saksa a∙songni ge∙sa rakbegipa GATE aro CAT porikkao chu∙sokgipa ong∙a

Rongjeng songni chadambe saksa, Tony Blaire S. Marak jean Pitingson Sangma ni depante ong∙a, ua ia bilsini GATE porikkako see chu∙sokgipa ong∙e India ni nambatsranggipa IIT Kharagpur college o poraina seokako man∙aha.

Ua batanggimin salrango CAT porikkaoba chu∙sokgipa ong∙e, India ni nambatgipa Management Institute o poraina seokaniko man∙ahachim indiba ua da∙o IIT o masters ko dakna seoke ra∙angskaaha.

Ua uni high skulko Don Bosco o poraie NERIST o engineering ko matchotaha aro joljol ua Indiao rakbatgiparangoni ge∙sa GATE aro CAT porikkako see chu∙sokgipa ong∙aha ine kobor ra∙timgiparangna parakataha.