A∙dokni Education Minister Rakkam A. Sangma, ma∙mong sorkarini India a∙songni bimungko Bharat ine mingjitna miksongenggipani bidingo, ua India ine mingangkuanikon namnikbataniko parakangaha. Sangma ia biming gitalko mingna ja∙ku de∙aniko ra∙chakna man∙jawa aro ma∙mong sorkarina chakpaaniko on∙jawa ine agandapangaha.
An∙tangtangni dolni namgnina mangmang India a∙songni bimungko ong∙gija jakkalsretjachina Sangma didianikoba on∙angjolaha. Mikkangchakgipa dolrang India a∙songni bimingko jakkale Indian National Development Inclusive Alliance (INDIA) ine donaha aro uamang INDIA ni chu∙gimik ritingrangko janapjaoba INDIA kattako jakkalronga. India a∙songni bimung political dolni bimungsa ong∙baskaengaha jean kraa ong∙ja aro ian namen dukni katta ong∙a ine Sangma janapangaha.
Ia a∙song dal∙begipako biming mingjitna ja∙ku de∙aniara ma∙mong sorkarini mikkangchakgipa dolrangni kosako sinjetaniko ra∙bana dakenggipa ong∙naba donga. Sangma ni nangnikanide India ni bimingko mingjitgija apsankon donangkuna nanga ine koborna parakataha
