Dhaka A∙chik Community dolrang, Garo Student Federation dolni dilgiparang aro Meghalaya a∙dokni dingtang dingtang mongsonggipa sokgiparang Dhaka ni Asad Avenue CBCB center o tom∙e Achik ku∙sikko, jatni daka rikaniko aro itihas rangni bidingo ripinge aro u∙i ma∙sie ra∙na seminar ba chanchirimaniko dakangaha.
Ia program ko Tura ni A∙chik Academician dol aro Dhaka A∙chik Community dolrang baksa bakrime ong∙atangha. Ia tom∙anio ku∙aganani, jatni daka rikani aro gitcham dakbewal rikbewalrangko jakkalani bidingo chanchirimaniko dakangaha. Unbaksana gisikni u∙ianio bakrimna aro A∙chik jatni meli namgrimaniko bilakbatatna miksonge ia seminar ko ong∙atangaha ine janapangaha.
